Athafnaborgin Reykjavík

Á dögunum var Ragna M. Guðmundsdóttir annar stofnandi m/studio_ með erindi um mikilvægi hönnunar í ferli nýsköpunar á opnum fundi í Ráðhúsi Reykjavíkur. Þema fundarins var athafnaborgin Reykjavík, uppbygging á verslunar- og atvinnuhúsnæði. Það var okkur mikill heiður að fá að fjalla um þessi mál fyrir fullum sal af fólki, ásamt flottum hópi fyrirlesara sem sögðu frá spennandi verkefnum í tengslum við uppbyggingu í Reykjavík.

Ragna M. Guðmundsdóttir hélt erindið fyrir hönd m/studio_

Þróun á hlutverki hönnunar

Við fjölluðum um það hvernig hönnunardrifin nýsköpun mun verða lykill að samkeppnisforskoti framtíðarinnar og hvernig hlutverk hönnunar er að þróast yfir í að vera sífellt mikilvægara stefnumótandi afl innan fyrirtækja. Að lokum fórum við yfir eitt af þeim "mega trendum" sem við hjá m/studio_ erum að skoða um þessar mundir.

Hönnunardrifna nálgun má skilgreina sem skapandi ferli eða hugsunarhátt sem tekur tillit til upplifunar notandans í daglegu lífi og í flóknari kerfum samfélagsins.

Hér má sjá upptöku af fyrirlestrum dagsins.

Hönnunardrifin fyrirtæki skila auknum hagnaði samkvæmt einu virtasta ráðgjafafyrirtæki í heimi

The business value of design

Nú í oktober síðastliðnum gaf McKinsey út skýrsluna “The Business Value of Design” sem sýnir fram á að á aðeins fimm árum skiluðu hönnunardrifin fyrirtæki 32% meiri tekjum og 56% meiri heildar ávöxtun til hluthafa en önnur fyriræki.

Við mælum með því að þið kynnið ykkur skýrsluna í heild sinni hér.

Hönnunardrifin nýsköpun

m/studio_ er nýtt íslenskt hönnunarfyrirtæki sem leggur áherslu á hönnunardrifna nýsköpun innan fyrirtækja og stofnana með upplifun notandans að leiðarljósi. Við stýrum skapandi ferlum innan fyrirtækja sem hjálpa til við að koma auga á vannýtt tækifæri til verðmætasköpunar. Okkar markmið er að hanna betri framtíð þar sem fjölbreyttum áskorunum samtímans er breytt í ný tækifæri til verðmætasköpunar.

Mynd: Greenhouse Effect by m/studio_

Skapandi eyðilegging

Það er augljós staðreynd að heimurinn stendur frammi fyrir miklum samfélagslegum áskorunum þar sem gróðurhúsaáhrif af mannavöldum munu verða eitt af okkar helstu vandamálum á komandi árum. Stjórnendur víðsvegar um heim leggja áherslu á aðgerðir til að sporna gegn hamfarahlýnun jarðar þar sem sjaldan hefur verið lögð jafn mikil áhersla á að fyrirtæki og samfélög í heild tileinki sér nýsköpun til þess að þróa skilvirkari og umhverfisvænni lausnir. Þetta þýðir að mörg af þeim kerfum sem við þekkjum í dag mun þurfa að hugsa upp á nýtt á komandi árum með róttækar breytingar í huga.

Joseph Schumpeter einn þekktasti talsmaður nýsköpunar kom fyrst fram með hugtakið skapandi eyðileggingu (e. Creative destruction) í bók sinni, Capitalism, socialism and democracy árið 1911. Þar fjallar hann um það þegar ný vara eða þjónusta nær rótfestu og gerir það sem fyrir var úrelt. Þau fyrirtæki sem ná að skapa sér þá sérstöðu að koma á skapandi eyðileggingu mynda sér gott samkeppnisforskot um nokkurn tíma eða þar til önnur fyrirtæki fylgja í kjölfarið með sömu aðferðum. Schumpeter sagði þessa samkeppni mikilvæga til þess að hvetja fyrirtæki og frumkvöðla áfram í að þróa nýjar leiðir til verðmætasköpunar sem ýta undir samfélagslegan hagvöxt. Sama lögmál gildir í dag, um það bil einni öld síðar en viðhorf okkar til verðmætasköpunar hefur þó þróast töluvert. Í dag er mikilvægt að við horfum á verðmætasköpun í víðara samhengi. Ef við tökum hagvöxt út fyrir sviga þá má til að mynd benda á að mikil verðmæti felast í auknum lífsgæðum og bættri upplifun notandans sem oftar en ekki skilar sér beint eða óbeint í formi hagvaxtar.

Skapandi hugsun drifkraftur nýsköpunar

Skapandi hugsun er einn af meginn drifkröftum nýsköpunar þar sem hönnun gegnir því lykilhlutverki að þróa hugmyndir í átt að virðisaukandi lausnum. Meginn markmið m/studio_ er að ýta undir hönnunardrifna nýsköpun innan fyrirtækja og stofnana í þeim tilgangi að byggja upp betri framtíð. Við erum ört vaxandi samfélag hönnunarauðlinda reiðubúin að takast á við hinar ýmsu áskoranir og breyta vannýttum tækifærum til verðmætasköpunar í róttæka nýsköpun þar sem upplifun notandans er höfð að leiðarljósi.

Taktu þátt með okkur!

Ragna M. Guðmundsdóttir

Meðstofnandi m/studio_